Gjatë diskutimit, për konferencën e Edi Ramës, Manjani është shprehur se ishte një show i turpshëm.
Në televizionin shqiptar “Syri Tv”, ai shprehet se, Edi Rama duhet që sot të ishte në Prishtinë që të diskutonte me Albin Kurtin dhe jo të dilte në këtë konferencë që e shkeli etikën.
‘Sonte Edi Rama nuk duhej të dilte në konferencë për shtyp, por duhej të ishte në Prishtinë, duke biseduar me Albin Kurtin dhe kjo do të ishte gjëja shumë normale.
Kryeministri i Shqipërisë shkon në Kosovë, ndajnë pikëpamjet, edhe sikur të ziheshin me grushte po të donin. Por të komunikosh me qeverinë e Kosovës me konferenca për shtyp, e tejkalon etikën dhe këtu fillon show. Çfarë do të bësh me këtë.
Këtu ka elemente që duhet ti analizojmë. Së pari, a është Edi Rama njeriu që përfaqëson shqiptarët kudo që ndodhen në institucionet euroatlantike? Sigurisht që jo, sepse shqiptarët përfaqësohen nga institucionet e tyre.
Kosova ka qeverinë e vet, institucionet, parlamentin, ambasadat, logon, stemën, flamurin e vet, ka çdo gjë të mjaftueshme për tu përfaqësuar aty ku duhet të përfaqësohet.
Edi Rama është totalisht i pamandatuar të përfaqësojë Kosovën në këtë qasje.
E dyta është; a ka moral Edi Rama të bëjë negociatorin, kur e para herë nuk ka ndonjë përvojë, nuk është ndonjë lider i njohur, nuk di ta bëjë këtë punë. E dyta, Rama është modeli i politikanit të vetëm në Europë që ka qeverisur pa opozitë në parlament, ka hyrë në zgjedhje pa opozitë fare dhe kur rihyri në zgjedhje, caktoi dhe ka mandatar me vendim gjykate opozitën. Është kryeministri i vetëm që e ka zgjedhur opozitën.
Dhe ky nuk përfaqëson një moral politik që të shkojë e ti tregojë Albin Kurtit se çfarë duhet të bëjë me zgjedhjet që i bojkoton Serbia. Zero. Nuk e ka këtë moral’, tha Ylli Manjani gjatë diskutimit të tij në Syri TV./Syri
Discussion about this post