Avokati Ylli Manjani shprehet se Shqipëria nuk ka nevojë për premtime, por ka nevojë për të përmbysur një sistem dhe për të ndërtuar një sistem kapitalist, pasi është zgjidhja e vetme.
Për Manjanin, PS në pushtet është qelbur dhe duhet të largohet.
“Vendi sot ka nevojë jo për premtime, por ka nevojë për të përmbysur një sistem, për të ndërtuar një gjë të vetme, se nuk është e lehtë; sistemi kapitalist, zgjidhja e vetme e Shqipërisë.
Duhet rimenduar kapitalizmi. Është zgjidhja e të gjitha problemeve tona.
Nga kapitali, tregu, ekonomia, prona private, do të vijë zhvillimi i vendit. Do të rregullohet dhe spitali, do të rregullohen dhe pensionet, të gjitha.
Një gjë është, sistemi kapitalist dhe këtë do ta bëjmë me popullin shqiptar, jo me ambasadën amerikane, as me sekretarin e shtetit të radhës, as me BE-në, po të doni ju, kur është fjala për zhvillimin e Shqipërisë.
Ky është shqetësimi.
Nëse ti ja rrit vlerën disa zyrtarëve që kanë bërë shkollë për të rrejtë, ky quhet diplomat. E ka në definicion të gënjejë, të mos thotë kurrë atë që mendon.
Duam të na i zgjidhë problemet një zyrtar.
E zëmë që nuk jam i preferuar i një administrate të një shteti të caktuar. E çfarë pastaj, jam në vendin tim.
Nëse PD ka një sfidë është marrja e qeverisjes së këtij vendi. E di pse është sfidë. Se këta e kanë mbushur kupën, e dinë edhe socialistët që nuk prodhojnë më. Janë qelbur fund e krye.
Të gjithë e pranojnë që janë qelbur dhe ka ardhur koha për të dalë në opozitë”, tha Ylli Manjani në “A Show” në syritv.
Discussion about this post