Ylli Manjani, ish-ministër i Drejtësisë, i ka drejtuar një apel Kryeministrit Edi Rama, për të liruar nga qelia Fredi Belerin, kryebashkiakun e zgjedhur të Himarës, në zgjedhjet e 14 majit.
E ndërsa Rama në një konferencë për mediat i kërkon Serbisë që të lirojë 3 policët shqiptarë të arrestuar, Manjani shkruan se Fredi Beleri mbahet në paraburgim pa asnjë argument bindës dhe në kundërshtim flagrant me ligjet e shkruara të këtij shteti.
Postimi i Manjanit:
Lëri policët e Kosovës që ka arrestuar Vuçiçi, po lejo të zgjedhurin e Himarës të shkojë në zyrë, o zotni! Rrespekto pa kushte vullnetin e popullit tënd njëherë, pastaj jep mend për punët e të tjerëve.
Fredi Beleri mbahet në paraburgim pa asnjë argument bindës dhe në kundërshtim flagrant me ligjet e shkruara të këtij shteti.
Mbahet në paraburgim me sajesa policësh të qeverisë dhe së fundi edhe me dëshmi penaliteti fallco.
Mbahet në paraburgim në dhunim të plotë të Kushtetutës së Shqipërisë, të Lirive e të drejtave themelore dhe gjithashtu të parimit Europian të autonomisë vendore.
Discussion about this post