Mbrëmjen e djeshme, teksa u vendos përballë faktit se 2 miliardë euro apartamente që janë blerë në Tiranë nuk janë financuar nga sistemi banker, i cili ka aprovuar vetëm 320 milionë euro për investime në tregun e pasurive të paluajtshme, Edi Rama pranoi në TPZ se në Tiranë përmes kullave po pastrohen paratë e pista të krimit.
Edhe pse u përpoq të kamuflonte përgjigjen e tij duke thënë se paratë pastrohen edhe në Nju Jork e Londër me sektorin e ndërtimit, Rama për të herë të parë pranoi indirekt se paratë e krimit të organizuar dhe korrupsionit, mbulojnë mbi 7 milionë m2 leje ndërtimitë dhëna nga Erion Veliaj në 8 vite.
Pohimin e kryeministrit, ish-anëtari i kabinetit të tij në qeverinë “Rama 1”, Ylli Manjani e konsideron skandaloz dhe në “A Shoë” nënvizon se kryeministri sot duhet të ishte në hetim.
Manjani ka theksuar se të gjitha ndërtimet që kanë filluar që nga viti 1999 janë të lidhur me ardhjen e Ramës dhe lidhjet e tij me biznesin e ndërtimit.
“Në kuptimin ligjor dhe institucional kryeministri Rama duhet të ishte në hetim për shkak të deklaratave që ka bërë ndoshta në kushte sinqeriteti, por ka thënë një të vërtetë shumë të madhe që është ulur këmbëkryq është e lidhur kryesisht me biznesin e ndërtimit, biznes në të cilin Rama që prej vitit 1999 i lidhur me të. Kjo filloi që nga koha që ai mori dhe bashkinë e Tiranës, dhe i gjithë ky ndërtim i hedhur në kryeqytet nuk bëhet me para e rrogave dhe të ardhurat modeste por bëhen nga paratë e drogës.
Në kuptimin ligjor është një ngjare e madhe dhe populli nuk e përjeton në këtë aspekt çështjen e ndërtimit më paratë e pista. Edi Rama është nga ato politikan që nuk flet kot dhe çdo fjalë që ai hedh shkojnë në drejtimin e duhur se jemi mirë e njëjta me historinë e piramidave ku bëheshin koncerte me nga 200 milionë lekë”, tha Manjani.
Discussion about this post