Ylli Manjani, ish-ministër i Drejtësisë, i ka drejtuar një thirrje deputetit dhe ish-zv.Kryeministrit Arben Ahmetaj që të paraqitet nesër në Kuvend dhe të bëj transparencën.
Sipas Manjanit, dikush ka pasur interes për të arrestuar Ahmetajn në këtë moment, ndaj ai duhet të paraqitet dhe të bëj transparencë.
“Shko dhe bëj transparencën, ky është gjyq. Thuaj të vërtetën. E gjithë kjo lojë është bërë tani mes verës.
Kanë patur shpresë njerëzit që Arben Ahmetaj të mbyll gojën. Dikujt i ka interesuar që Ahmetaj të mos jetë nesër në Parlament. Nëse më dëgjon dhe e vlerëson këtë që them, duhet të shkojë të bëj transparencë. Nesër është dita jote Arben Ahmetaj.
Bëj transparencën e çdo qindarke financiare të këtij shteti. Je njeriu më i rëndësishëm që ke pasur paratë në dorë. Nëse nuk e bën transparencën je edhe t’i fajtor”, tha Manjani.
Discussion about this post