Një në katër persona i testuar në Maqedoninë e Veriut rezulton pozitiv me Covid19, ndërsa në rreth 70% të materialeve të cilat sekuencionohen në ISHP, dalin pozitiv me llojin më të ri të virusit, Omicron, i cili është prezent në 12 qytete të vendit.
Sipas imunologut Mirko Spirovski, kulmi ende nuk ka arritur, por periudhën e ardhshme pritet një rritje e të infektuarve e më pas një rënie e ndjeshme dhe stabilizim i situatës, shkruan Alsat.
“Unë pres një arritje të kulmit të të infektuarve me Omikron dhe pas pikës kulminante, pritet të fillojë ulja e rasteve të reja. Sipas meje, mendoj se pas këtij kulminacioni duhet të arrihet një baraspeshë dhe më pas një rënie e numrit. Se sa kjo do të zgjasë në periudhë kohore nuk di ta them”, deklaroi Mirko Spiroski, Imunolog.
Sipas tij, pas variantit Omicron paraqitja eventuale e mutacioneve të tjera do të ishte shumë më e lehtë krahasuar me variantet e deritanishme. Ai pret që zhdukja e virusit korona dhe fundi i pandemisë të regjistrohet në fund të këtij viti apo më së voni fillimin e vitit të ardhshëm.
Discussion about this post