Dy persona nga fshati Peshtan janë arrestuar në Ohër, pasi në orët e para të mëngjesit kanë fyer dhe më pas kanë sulmuar fizikisht policët gjatë kryerjes së detyrës së tyre pranë lagjes “Sveti Stefan”, në rrugën rajonale Ohër–Shën Naum.
Të dy të ndaluarit kanë rezultuar nën ndikimin e alkoolit, ndërsa ndaj tyre do të ngrihen kallëzimet përkatëse.
Njoftimi:
“Më 29.11.2025, në ora 01:10, në SPB Ohër janë ndaluar G.M. (52) dhe R.M. (65), të dy nga fshati Peshtan i Ohrit. Më herët, në rrugën rajonale Ohër – Shën Naum, pranë lagjes “Sveti Stefan” në Ohër, ata fillimisht kanë ofenduar verbalish dhe më pas kanë sulmuar fizikisht policët që po kryenin veprime zyrtare. Gjatë testimit me alkometër, te G.M. u konstatuan 1.63 promila alkool në gjak, ndërsa te R.M. 0.53 promila. Pas dokumentimit të plotë të rastit, ndaj tyre do të përgatiten kallëzimet përkatëse”, thuhet në njoftimin e Sektorit të Punëve të Brendshme Ohër.
Discussion about this post