Ministri i Shëndetësisë i Maqedonisë së Veriut, Venko Filipçe, ka theksuar se vendi mund të shkojë drejt vaksinës së tretë të covidit.
“Të gjitha testet që janë bërë deri më tani shkojnë në drejtimin se ndoshta do të nevojitet një dozë e tretë, por ne jemi duke pritur që këto gjetje edhe të bëhen publike. Vaksina ulë seriozisht rrezikun e sëmundjeve të rënda dhe sipas studimeve të bëra ulë edhe rrezikun e vdekjes për 20 herë. Ky duhet të jetë një motiv për qytetarët. Një përqindje e madhe e pacientëve të diagnostikuar sikur edhe më shumë se 80 për qind e atyre në spital, janë të pa vaksinuar, që do të thotë se ky është një problem jo vetëm në vendin tonë, por kudo. Ne gjithashtu jemi në kontakt me kolegët në rajon, kudo spitalet janë të mbingarkuar me pacientë të pa vaksinuar”, ka deklaruar Ministri i Shëndetësisë i Maqedonisë së Veriut, Venko Filipçe.
