Zëvendës kryeministri përgjegjës për luftimin e korrupsionit në Maqedoninë e Veriut, Ljupço Nikollovski, ka thënë se kushdo që nuk do të jetë në gjendje të dëshmojë origjinën e pronës me vlerë mbi 30 mijë euro të blera vitin e kaluar, ajo do të konfiskohet, sipas draft versionit të Ligjit për Origjinën e Pronës, i cili miratohet për herë të parë në vend.
Ai foli për zbulimin dhe zvogëlimin e ekonomisë hije. Ky version i ligjit, së pari do t’i dërgohet Komisionit të Venecias.
“Ky ligj përmes një procedure civile për konfiskim, të cilin ne po e prezantojmë, do të zbatohet për të gjithë personat që nuk do të jenë në gjendje të dëshmojnë origjinën e pronës në një periudhë të caktuar ligjore. Procedura do të jetë civile, e shpejtë, jo penale dhe do të ketë një prag të përshtatshëm i cili aktualisht është në versionin draft është 30 mijë euro” – tha Nikollovski sot në konferencën për shtyp të organizuar nga UNDP dhe Ministria e Financave.
Ligji nuk do të zbatohet vetëm për zyrtarët, por për të gjithë qytetarët sepse përvoja tregon se zyrtarët u transferojnë pronat e fituara ilegalisht njerëzve të tjerë dhe pas përfundimit të funksionit ata e kthejnë atë.
