Antonio Cassano ka tërhequr vëmendjen sërish me deklaratat e tij të forta. Italiani këtë herë komentoi atë që bëri Maradona me Napolin shumë vite më parë dhe Ciro Ferrara nuk e ka pritur mirë.
“Maradona fitoi i vetëm te Napoli, ai kishte shokë skuadre njerëz që ishin arratisur nga shtëpitë e tyre”, deklaroi Cassano. Ferrara ishte pjesë e atij Napoli që fitoi dy tituj dhe reagoi në rrjetet sociale.
“Përshëndetje Antonio! Ti flet për gjëra që padyshim nuk i njeh mirë. Më 10 maj 1987, ndërsa ne fitonim titullin e parë në historinë e Napolit, ti akoma nuk i kishte mbushur 5 vjeç dhe ishe ende me biberon në gojë.
Hesht, pasi është më mirë ta mbyllësh gojën. Diego nuk do të kishte dashur kurrë një ‘fenomen’ si ti në dhomat e zhveshjes. Firmosur nga një jo i arratisur nga shtëpia”, shkruan Ferrara.
Discussion about this post