Një grua kubaneze e quajtur Mavys Alvarez ka hedhur akuza të rënda ndaj ish-futbollistit të ndjerë, Diego Armando Maradona. Ajo ka pretenduar se kur ishte vetëm 16 vjeçe ish-lojtari argjentinas ka abuzuar seksualisht me të.
Këtë deklaratë 37-vjeçarja e ka bërë para Gjykatës së Ministrisë së Drejtësisë në Argjentinë, në hetimet që lidhen me kohën kur ajo ishte në moshën e adoleshencës.
Ajo shtoi se Maradona në atë kohë ishte 40 vjeç dhe po trajtohej për varësinë ndaj drogës, pasi ishte tërhequr nga futbolli.
“Më mbuloi gojën, më përdhunoi, nuk dua të mendoj shumë për këtë. Më humbi vajzëria, ma vodhën të gjithë pafajësinë. Është e vështirë. Nga ai çast nuk i përjeton më gjërat e pafajshme që një vajzë e asaj moshe i përjeton”,- deklaroi ajo.
Madje ajo ka shtuar se ka qëndruar për rreth 4-5 vite me të dhe gjatë gjithë kohës ish-lojtari i kishte qenë abuzues, por shtoi se familja e saj nuk do ta lejonte një gjë të tillë po të mos kishte ndërhyrë qeveria kubane dhe presidenti Fidel Castro, që kishte miqësi me Maradonën.
“Familja ime nuk do ta kishte pranuar kurrë, nëse qeveria kubane nuk do të ishte përfshirë”,– ka deklaruar Alvarez./K.T/Gijotina.com
Discussion about this post