“Maratonë aksidentesh”, përplasje me dy të plagosur në Cërrik

Mëngjesi i sotëm ka nisur me një bilanc të frikshëm aksidentesh. Një tjetër përplasje është shënuar, këtë herë në aksin rrugor Cërrik – Belsh. Dy automjete janë përplasur, duke bërë që njëri nga mjetet e përfshira në aksident të del nga rruga. Si pasojë e aksidentit janë plagosur të paktën dy persona, njëri nga të cilët ndodhet ende në automjet.

Ndërkohë një vajzë e përfshirë në aksident po i jepet ndihma e parë në anë të rrugës, pasi raportohet se ka humbur ndjenjat. Nuk dihen ende shkaqet e aksidentit dhe numri i plotë i të përfshirëve.