Monumentet kulturore dhe veprat e artit në Shqipëri janë drejt rrënimit. Edhe pse në listën e pasurive kulturore në Shqipëri ekzistojnë mbi 2 mijë monumente të kategorisë I dhe II, vetëm 206 prej tyre janë marrë në mbrojtje, duke lënë në mëshirë të fatit 90% të objekteve të trashëgimisë kulturore shqiptare, që rrezikojnë të mos ekzistojnë më.
Çdo vit Ministria e Kulturës, drejtuar nga Elva Margariti, rrëmben një sërë fondesh nga Buxheti i Shtetit për monumentet kulturore dhe veprat e artit, por shumë pak investime janë bërë. Tashmë fati i tyre ka mbetur në dorë të Dritan Agollit, kreut të FSHZH. Sepse Ministrja do e jetë e zënë më projekte më të mëdha.
Ai ka hapur garën për tenderin me objekt “Ndërhyrje për përmirësimin e Strukturave mbrojtëse, veprave të artit” në rajonet 3 dhe 4 dhe ka lënë në dispozicion vlerën 3.7 miliardë lekë.
Agolli flet gjithmonë me shifra të larta, por edhe abuzimet i ka po në ato nivele. Shpresojmë që këtë herët paratë të investohen vërtetë në veprat e artit dhe tenderi t’i besohet ndonjë kompanie që arrin të plotësojë kushtet. Sepse deri më sot situata është skandaloze.
Vepra arti të shkatërruara
Kujtojmë se në vitin 2019 Organizata “Trashëgimi Kulturore pa Kufij” denoncoi shkatërrimin e një monumenti të mbrojtur kulture në Gjirokastër. Në një postim në Facebook, organizata e trashëgimisë kulturore shkruante “Gjirokastra: Banesa Taho, monument i kategorisë se II-të nuk është më. Duhet një kohë e gjatë, si dhe shumë mjeshtëri dhe mendime mbi atë se si të ruhet dhe restaurohet një objekt! Duhen vetëm pak orë ama për të shkatërruar 100 vjet histori”.
.
Asnjë fjalë nuk u tha nga ministria asaj kohe. Ndërkohë Ura e Zogut është drejtë shkatërrimit total. Disa herë ka pasur protesta nga banorët, por qeveria vazhdon me gënjeshtra.
Sakaq kujtojmë se në vitin 2022 prurjet e shumta kanë shembur urën e vjetër të Bahçallekut në Shkodër. Ura e vjetër me 5 harqe e Bahçallekut ishte ndërtuar në vitin 1768 nga Mehmet Pashë Bushati, sundimtari i Shkodrës. Ura ishte mbi Lumin Kir duke bashkuar dy lagje Bahçallek dhe Tabake. Në korrik të 2022 u premtuar se do të rikonstruktohet, por gjithçka mbeti në letër dhe u shemb në nëntor.
Kështu ka vepruar qeveria edhe më shumë monumente e vepra arti. Ndërsa Elva Margariti vazhdon me avazin e mburrjeve “Nga viti 2019 deri në vitin 2022 i janë nënshtruar restaurimit 169 objekte të trashëgimisë kulturore, të cilat janë realizuar me fondet e buxhetit të shtetit dhe të donatorëve”, tha ministrja në 30 janar të viti 2023, duke shtuar dyshimet se ku shkojnë paratë e marra nga buxheti i shteti. Ndërsa shpresojmë që këto miliarda që po shpenzon Agolli të jene efektive.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post