Marin Meksi është shpallur Kampion Bote në IFBB, kampionat që u zhvillua në Portugali. Ky lajm është bërë publik nga Komiteti Olimpik Kombëtar Shqiptar ditën e djeshme nëpërmjet një postimi në rrjetin social “Facebook”.
“Marin Meksi shpallet Kampion në Kampionatin Botëror të Ligës Profesioniste IFBB Pro “ Diamond Cup” në Portugali në kategorinë Men’s Classic Bodybuilding up to 180 dhe zë vendin e katërt në Absolut, Men’s Classic Bodybuilding Open! Medalja e Artë dhe Diamond Cup vijnë në Shqipëri!”-shkruhet në postimin e KOKSH.
Ndërsa edhe vetë sportisti ka reaguar, i cili shprehet se është shpallur kampion mes 400 më të mirëve të planetit.
“Të nderuar miq, pas një lufte Titanësh, me pjesëmarrjen e rreth 400 kampionëve më të mirë të Planetit u shpalla kampion në Kampionatin Botëror të Ligës Profesioniste FBB Pro ‘Diamond Cup’ në Portugali, në kategorinë ‘Men’s Classic Bodybuilding up to 180’ dhe vendi i katërt nbë Absolut, ‘Men’s Classic Bodybuilding Open’.”-shkruan ai./K.T/Gijotina.com
Discussion about this post