Liderja e Ekstremit të Djathtë në Francë, Marine Le Pen dhe tetë eurodeputetë u shpallën fajtorë për përvetësim të fondeve të BE-së.
Vendimi u mor nga Gjykata e Parisit, teksa sipas mediave vendase, dënimi i zyrtarëve do të raportohen individualisht. Seanca u mbajt me dyer të mbyllura, ku nuk u lejua asnjë kamer apo regjistrime audio në sallën e gjyqit.
Propozimi i prokurorit parashikon që Marine Le Pen jo vetëm t’i hiqet e drejta për t’u zgjedhur për pesë vjet, por edhe të dënohet me tre vjet burg me kusht, si dhe gjobë prej 300 mijë eurosh.
Le Pen është shpallur fajtore për shpërdorim e mbi 3 milionë euro të destinuara për të paguar këshilltarë të eurodeputetëve. Në vend të kësaj, Le Pen i përdori paratë për të paguar anëtarët e partisë së saj “Rally National”.
Vendimi kërcënon të largojë nacionalisten nga gara për presidencën e vitit 2027, në të cilën ajo aktualisht është kryesuese. Dënimi i gjykatës, i vendosur të shpallet menjëherë, mund të bëjë që Le Pen të shpallet e papërshtatshme për të kandiduar për postin. Ajo ka akuzuar prokurorët se kërkojnë “vdekjen e saj politike”. Le Pen mohoi akuzat se ajo ishte në krye të “një sistemi” që synonte të merrte fondet e BE-së për të përfituar për partinë e saj. Të pandehurit pretenduan se paratë ishin përdorur në mënyrë legjitime
Discussion about this post