Sergiy Taruta, një parlamentar ukrainas ka reaguar ditën e sotme përmes një postimi në rrjetin e tij social Twitter në lidhje me bombardimet në Mariupol, ku sipas tij rusët kanë hedhur një bombë në një spital afër kësaj zone.
“Rusët hodhën një bombë të fuqishme në një spital afër Mariupol”
Gjithashtu ai ka shtuar se tashmë janë 300 individ nën rrënoja, ku mes të cilëve ka edhe fëmijë.
“Sipas informacioneve të mia, atje janë rreth 300 persona nën rrënoja, mes tyre edhe fëmijë”.
Sipas Taruta, disa civilë ishin refugjatë në spital “sepse nuk ka vende të tjera për t’u fshehur në një qytet të shkatërruar”.
Kujtojmë se, sot është dita e 55- të e luftës dhe tashmë ofensiva e trupave ruse kundër Ukrainës lindore ka filluar. Alarmi është ngritur nga presidenti ukrainas Volodymyr Zelensky, i cili është shprehur se tani mund të themi se trupat ruse kanë filluar betejën për Donbas, për të cilën janë përgatitur prej disa kohësh dhe se një pjesë e madhe e ushtrisë ruse tani i është përkushtuar kësaj ofensive.
Ndërsa sipas analistëve, ky është fillimi i fazës së dytë të luftës. Ndërkohë bombardime ka pasur në Lviv, Kharkiv dhe Dnipro ndërsa Mariupolit është kthyer në një grumbull rrënojash dhe civilët e bllokuar në qytet janë të rraskapitur. Por zëdhënësi i Pentagonit, John Kirby, ka thënë se qyteti i Mariupolit nuk ka rënë dhe se ukrainasit po rezistojnë ende deri në mbarim të këtij sulmi të rrezikshëm.
Discussion about this post