Kreu i Bashkisë së Vaut të Dejës, Mark Babani ka folur pas vendimit të Apelit të Shkodrës sot për të nisur hetimet lidhur me punësimet në administratë gjatë fushatës elektorale të 25 Prillit.
Në një intervistë, Babani i ka cilësuar akuzat e Partisë Demokratike, gënjeshtra të sekretarit të Përgjithshëm Gazment Bardhi dhe ish-kryetarit të Bashkisë së Vaut të Dejës. Babani shton se para 25 Prillit nuk ka pasur punësime në bashkinë e Vaut të Dejës, teksa jep akuza për akte kriminale në bashki.
“Të gjitha këto për mua janë shpifje politike. Filluan me historitë e vjetra. Një grup i madh kriminal që sot janë në parlament, ish kryetar bashkie kanë forcë për të bërë gjithçka. Kanë pas forcë me bo emrin tim të burgosur kur nuk është e vërtetë. Askush nuk mban përgjegjësi. Kanë djegur vitat dhe sot janë jashtë. Kanë 100 çështje të hapura. Djali i ish-kryetarit të bashkisë së Vaut të Dejës. Absolutisht nuk ka asnjë punësim para 25 prillit. Flisni dhe me shefin e burimeve njerëzore. Të gjitha këta janë gënjeshtra. Grupi kriminal në Bashkinë e Vaut të Dejës ka humbur shumë terren. Bashkia po kthehet në normalitet. Populli e di. Kam shumë të punësuar njerëz që kanë qen pjesë e atyre që kanë djegur votat. Absolutisht e kam rrugën e lirë për hetime se janë bërë 100 denoncime. Çdo gjë është në prokurori. Ka gënjyer Gazment Bardhi bashkë me ish-kryetarin. Akuzojnë pa pikë turpi. Shkojnë djegin policinë brenda dhe nuk dënohet asnjë. Çdo ditë kam një dosje të re. Krimi ka arritur kulmin në bashkinë tonë. E di që mund të jenë prish interesa të shumë personave për mu. Jam një nga administratorët më model të asaj zone. Kam 25 vite që administroj. S’kanë shanc për të më akuzuar mua se kam hequr një punëtor për të punësuar një tjetër për vota. Për të marrë vota kanë ngatërruar vëllain me vëllain. Kanë bërë çdo lloj poshtërsie. Mark Marku nuk i ka shkuar kujt për vota si ata. Unë jam model tjetër nuk jam grup kriminal. Jam këtu për të shkrirë atë grup kriminal”, deklaroi Babani.
