Mark Marku nuk do të jetë pjesë e Kuvendit të ri në shator pasi ka dhënë dorëheqjen nga mandati i deputetit që fitoi në zgjedhjet e 25 prillit.
Sipas listës së PD, pritet që Marku të zevendësohet në parlament nga Elda Hoti, deputetja e opozitës së re që rikthehet. Hoti erdhi në listë si pjesë e koalicionit të PD, si kandidate e Partisë Republikane dhe renditej e 5-ta në listë me 2733 vota.
Mark Marku ka qenë një nga kritikët më të fortë të Lulzim Bashës, kujtojmë këtu fjalimin e tij në Këshillin Kombëtar të PD, ku u shpreh se PD-ja duhet të ndryshojë, pasi në të kundërtën rrezikon që të mbetet në opozitë edhe për 4 vitet e ardhshme.
