Maroku do të duhet të kënaqet me ndeshjen për vendin e tretë në këtë Botëror, por Federata marokene mendon se ekipi afrikan që shkroi historinë duke arritur në katërshe, meritonte më shumë. Edhe pse ndeshja ndaj Francës është mbyllur e arkivuar me humbjen 2-0, Federata ka apeluar në FIFA duke shprehur pakënaqësinë me drejtimin e kryesorit Sezar Ramos duke e klasfiikuar si “padrejtësi në gjykim”.
Në një notë zyrtare që është publikuar edhe në rrjetet sociale, ajo ka shprehur pakënaqësinë për mënyrën se si ai ka treguar episode të veçanta, duke shpjeguar se ka harruar të japë dy penallti në favor të Marokut.
E para i përket një kontakti mes Teo Hernandez dhe Sofian Bufal në zonë, teksa argumenton se është mbrojtësi francez ai që ndërhyn ndaj sulmuesit dhe jo e kundërta siç kishte interpretuar gjyqtari dhe VAR, duke e ndëshkuar lojtarin maroken me karton të verdhë.
Më pas, është edhe momenti ku Selim Amallah u mbaj në zonë gjatë një goditje këndi dhe në këtë rast duhej të kishte përsëri penallti. Situata që sipas tyre mund të ndryshonin plotësisht fatin e ndeshjes që dekretoi kalimin e Francës në finale.
Discussion about this post