Kryeministri grek Kyriakos Mitsotakis dhe Presidenti turk Recep Erdogan do të takohet më 23 shtator në Nju Jork, në Asamblenë e Përgjithshme të OKB-së.
Nga pala greke do të jenë të pranishëm ministri i Jashtëm, Giorgos Gerapetritis, dhe këshilltari diplomatik i Kryeministrit, Miltiadis Nikolaidis. Kurse nga pala turke do të marrin pjesë ministri i Jashtëm Hakan Fidan dhe këshilltari diplomatik Akif Çagatay Kilic.
Në një intervistë ditën e djeshme për mediat greke, Kryeministri Mitsotakis theksoi se ka një vullnet për të zhvilluar këtë takim me Presidentin Erdogan. Përsa i përket marrëdhënieve greko-turke, Mitsotakis u shpreh se nuk ka arsye për shqetësim të tepruar, duke shtuar se nuk ka mundësi për ndonjë “incident të nxehtë” në Egje, megjithatë apeloi për kujdes dhe vigjilencë.
Discussion about this post