Me urdhër të zbatimit për marrëveshjen e Brukselit, si Kosova edhe Serbia duhet të tërhiqen sot ashtu siç edhe pritej të ndodhte. Mesa duket Serbia nuk e ka kuptuar siç duhet këtë marrëveshje teksa insiston të mos tërhiqet nëpërmjet protestuesve të vetë, duke “ringjallur” tensionet.
Protestuesit janë ende të grumbulluar në një nga pikat e Jarinjës. Mësohet se aty pranë është vendosur një kordon i policisë së Kosovës pasi kanë vëzhguar që aty pranë është një kamion që nuk lëviz por qëndron në barrikadë, në skaj të rrugës.
Një përfaqësues i Policisë së Kosovës tentoi që të marrë një përgjigje nga ana e serbëve mirëpo këta të fundit nuk i thanë asgjë. Më pas, përfaqësuesi i Policisë ka pasur edhe një komunikim me përfaqësues të KFOR-it dhe janë tërhequr përsëri në pozicionin fillestar, para se të nisnin largimin.
Një pjesëtarë i Policisë së Kosovës është dëgjuar teksa thotë se “Ne e kemi planin tonë”. Mësohet se numri i pjesëtarëve të KFOR-it është rritur në kufi.
