Barcelona dhe Manchester City kanë nisur negociatat për transferimin e Ferran Torres te klubi katalanas. Këtë të mërkurë, klubi i Barçës e ka rritur ofertën e tij në 55 milionë fikse plus 10 të tjera në variabla. Deri më tani kishte pasur dy oferta të mëparshme, një për 45 dhe një për 50, të cilat City i kishte refuzuar pa hyrë në negociata. Tani klubi anglez po mendon për transferimin pasi shifrat janë afër atyre 70 milionëve që kërkonin në fillim.
Barcelona kontaktoi me Manchester Cityn disa javë më parë për të përcjellë interesin e tyre për Ferran Torres. Futbollisti spanjoll ishte në listën e kërkesave të Xavi Hernandez dhe Barça bëri një ofertë të parë 45 milione euro që u refuzua menjëherë.
Operacioni nuk është mbyllur përfundimisht pasi dy palët vazhdojnë negociatat në mungesë të finalizimit të marrëveshjes përfundimtare pasi kontratat nuk janë duke u lidhur. Megjithatë, tani opsioni për të mbyllur transfertën është real. Dy klubet i kanë dhënë kohë njëri-tjetrit deri në Krishtlindje për të mbyllur marrëveshjen.
Discussion about this post