Ish-emisari amerikan për dialogun Kosovë-Serbi, Richard Grenell ka komentuar marrëveshjen e arritur në Bruksel për targat. Grenell ka shkruar se njerëzit në Ballkan nuk duhet të injorohen nga presidenti Biden dhe ekipi i tij.
Në një replikë në “Twitter” ndaj ish-ministres së Punëve të Jashtme, Meliza Haradinaj, Grenell ka shkruar se në Uashington po vazhdon në injorohet kolapsi i diplomacisë së SHBA-së.
“Gazetarët në DC vazhdojnë të injorojnë këtë kolaps të diplomacisë dhe udhëheqjes amerikane. Populli i Ballkanit nuk duhet të injorohet nga Joe Biden dhe ekipi i tij” – ka shkruar ai.
Richard Grenell ishte i dërguari i Trump për dialogun Kosovë-Serbi.
