Për marrëveshjen e arritur mes Kosovës dhe Serbisë për dokumentet, ka reaguar edhe Komisioneri Evropian për Zgjerim, Oliver Varhely. Në një postim në rrjetet sociale ai ka përshëndetur marrëveshjen e arritur mes Kosovës dhe Serbisë për lirinë e lëvizjes ndërmjet Kosovës dhe Serbisë, ndërsa shton se që kjo lëvizje të shënojë një epokë të re të përparimit të vërtetë në dialog.
“Unë e mirëpres marrëveshjen për lëvizjen e lirë ndërmjet Kosovës dhe Serbisë dhe sinqerisht shpresoj që kjo të shënojë një epokë të re të përparimit real në dialog, bazuar në marrëveshjet dhe zbatimin e ndërsjellë” – shkruan Vralehy në facebook.
Kosova dhe Serbia një ditë më parë, janë pajtuar që të heqin dorë nga lëshimi i dokumentit për hyrje-dalje për shtetasit e të dy vendeve. Kosova do të fillojë të zbatojë reciprocitetin me Serbinë, teksa targat e kohës së Milosheviçit nuk do të përdoren më në Kosovë. Por u arrit edhe marrëveshje sa i përket dokumentacionit. Sa i përket dokumentacionit, Serbia nuk e njeh pavarësinë e Kosovës, ndaj ajo nuk pranon dokumente për serbët që banojnë në Kosovë që të tregojnë se ata janë pjesë e një shteti tjetër, të pavarur. Për çështjen tjetër, atë të targave, palët ende nuk kanë marrëveshje dhe ky vendim pritet të hyjë në fuqi më 1 shtator.
Ndërkohë, Joseph Borrell tha se kjo marrëveshje do të mundësojë që qytetarët e Kosovës dhe Serbisë të lëvizin me letërnjoftimet përkatëse. Nga ana tjetër Kryeministri i Kosovës, Albin Kurti tha se me marrëveshjen e arritur do të mundësohet që qytetarët e Kosovës dhe ata të Serbisë të mund të kalojnë “pa pengesa” pikëkalimet kufitare midis dy shteteve.
Gjatë kësaj jave, Escobar dhe Lajçak qëndruan në Kosovë dhe Serbi, ku diskutuan me liderët shtetërorë dhe partiakë për çështjen e dokumenteve dhe targave. Ata thanë se palët duhet të zotohen se do të shmangin dhunën më 1 shtator.
Discussion about this post