Mediat britanike kanë zbardhur të tjera detaje mbi marëveshjen e nënshkruar në Romë mes Kryeministrit Edi Rama dhe homologes italiane, Giorgia Meloni, për ngritjen e kampeve të refugjatëve në Shqipëri, ku do të akomodohen ata emigrant që kapen në ujrat territorial italiane.
Sky News ka parë dokumente të reja që detajojnë planin e diskutueshëm të Italisë për të dërguar azilkërkues në Shqipëri, duke treguar se plani është shumë më pak radikal sesa vetë propozimi i Mbretërisë së Bashkuar për të fluturuar njerëz në Ruanda.
Marrëveshja italiane, e shpallur nga kryeministri Giorgia Meloni së bashku me kryeministrin shqiptar Edi Rama, tha se deri në 3,000 azilkërkues mund të dërgohen në Shqipëri çdo muaj, pasi janë shpëtuar fillimisht nga anijet italiane, si rojet bregdetare apo policia.
Por, as Rama e as Meloni nuk dhanë sqarime se çfarë do të ndodhte me njerëzit pasi të vendoseshin kërkesat e tyre për azil. Por dokumentet e brendshme që kemi parë tani u përgjigjen këtyre pyetjeve.
Ata e bëjnë të qartë se, ndryshe nga plani i Mbretërisë së Bashkuar për Ruandën, marrëveshja e përbashkët mbulon vetëm periudhën gjatë së cilës po shqyrtohen aplikimet e tyre dhe një periudhë të shkurtër më pas. Nëse një migranti i jepet azil, atëherë personi do të çohej më pas në Itali për të filluar një jete e re.
Plani i Mbretërisë së Bashkuar, në të kundërt, përcakton që një azilkërkues i suksesshëm do të detyrohej të qëndronte në Ruandë.
Marrëveshja italiane thotë gjithashtu se nëse rezulton e pamundur të dërgohet dikush në vendin e tyre të origjinës, atëherë ata do të kthehen sërish në Itali pas një periudhe të caktuar kohore, që besohet të jetë 40 ditë. Marrëveshja është rënë dakord drejtpërdrejt mes zonjës Meloni dhe z. Rama.
Ne e kuptojmë se dy zëvendëskryeministrat e zonjës Meloni, Antonio Tajani dhe Matteo Salvini, nuk ishin në dijeni të marrëveshjes deri pak para shpalljes së saj.
Italia do të paguajë për ndërtimin e qendrave të përpunimit dhe gjithashtu do të ndajë një fond prej 100 milion € (87 milion £) për të mbuluar çdo kosto që Shqipëria mund të ketë.
Është rënë dakord që numri i përgjithshëm i emigrantëve të strehuar në këto qendra të mos shkojë mbi 3000.
Dokumenti i marrëveshjes bën gjithashtu të qartë se synon të nxisë “bashkëpunimin dypalësh në të gjithë sektorët” në dritën e “aderimit të Republikës së Shqipërisë në Bashkimin Europian”. Shqipëria është një vend kandidat për t’u anëtarësuar në BE, duke pasur së pari aplikuar në vitin 2009.
BE-ja ka kërkuar më shumë detaje për planin për dërgimin e emigrantëve në Shqipëri, pas pyetjeve nëse ai respekton ligjin evropian.
Elly Schlein, kreu i Partisë Demokratike të opozitës, e quajti atë “një shkelje të hapur të ligjit ndërkombëtar dhe evropian”.
Zonja Meloni thuhet se po planifikon të udhëtojë në kryeqytetin shqiptar, Tiranë, në pranverë dhe dëshiron që kampi i parë të hapet në maj 2024 – pak para zgjedhjeve evropiane.
Discussion about this post