Marrëveshjen e arritur mes Kosovës dhe Serbisë ditën e sotme, e ka përshëndetur edhe kryeministri në detyrë i Malit të Zi, Dritan Abazoviç. Përmes një shënimi në Twitter, Abazoviç ka thënë se mirëpret dëshirën e dy vendeve fqinje për të arritur marrëveshje. Ai ka thënë se dialogu është e vetmja zgjidhje për të kapërcyer krizat. Sipas tij e kaluara nuk mund të ndryshohet, por mund të ndryshohet e ardhmja.
“Qeveria e Malit të Zi mirëpret marrëveshjen ndërmjet Beogradit dhe Prishtinës, me mbështetjen e Bashkimit Evropian. Dialogu është zgjidhja e vetme e mundshme për të kapërcyer çdo krizë. Ne duam paqe, stabilitet dhe prosperitet në Ballkanin Perëndimor. Ne nuk mund ta ndryshojmë të kaluarën, por mund të ndryshojmë të ardhmen” – thuhet në reagimin e Abazoviçit.
Discussion about this post