Për marrëveshjen e arritur mes Kosovës dhe Serbisë për njohjen e dokumenteve respektive, ka reaguar edhe kryeministri, Edi Rama. Në një postim në Twitter, Rama ka përshëndetur arritjen e një marrëveshje nga Kosova dhe Serbia, nën bekimin e Bashkimit Evropian.
“Lajm i bukur zgjidhja me dialog e çështjes së lëvizjes së lirë mes Serbisë e Kosovës, e bashkë me urimet për të dy palët uroj që ky zhvillim ta çojë dialogun në një nivel të ri, për të mos humbur kohë dhe energji pafund në arritjen e gjërave kaq thjeshtësisht logjike sa kjo sot” – shkruan Rama në Twitter.
Kujtojmë që në marrëveshje është parashikuar që të dyja vendet kanë lëshuar pe duke hequr dorë nga dokumentet shtesë që ishin aplikuar prej kohësh në Serbi dhe do të lëshoheshin nga Kosova në kuadër të reciprocitetit, në rast të hyrje-daljeve në kufi.
Discussion about this post