Deputetja demokrate Jorida Tabaku ka deklaruar se Partia Demokratike nuk e ka sulmuar Fondin Amerikan.
Gjatë fjalës në Kuvend, Tabaku u shpreh se debati duhet të bëhej se përse zonat e mbrojtura duhet të jepen për ndërtime strategjike.
Sakaq, Tabaku tha se Rama foli sot në Kuvend për çdo gjë, por jo për Butrintin, por sulmoi përsëri opozitën.
““Askush nga Partia Demokratike nuk ka sulmuar fondin amerikan, në Butrint sot, Rama foli për çdo gjë, por veçse për Butrintin jo, foli për gjithçka. E njëjta kompani që aplikoi në dhjetor të vitit 2020, dhe iu kthye përgjigje që është zonë e mbrojtur e se nuk mund t’i jepet për ndërtim strategjik. Më pas mendimi ndryshoi. Debate sot duhet të ishte se përse zonat e mbrojtura jepen për ndërtime strategjike. Duhet diskutuar edhe se përse dosja u mbajt sekrete, pse u krijua kjo paqartësi për qytetarët. Nëse e dëgjuat, asnjë fjalë nuk u tha për Butrintin, u sulmua Opozita që e ka fajin për gjithçka në këtë vend. Ndoshta jam unë nga nostalgjiket e fundit në këtë vend, por më vjen keq që prishen. Sot në Parlament duhej diskutuar për këtë gjë. Pse jepen vendime pas vendimesh për një ligj që është krijuar për të sjellë investime të huaja dhe në fakt nuk ka sjellë asnjë investim të huaj. Që të eliminojmë çdo konfuzion te rikrijuar, sigurisht që nuk mbron dot aferat korruptive, do t’i dalin të gjitha, sepse nuk i intereson fare Fondacioni, por vetëm ajo leja për investimet strategjike”, tha Tabaku.
Tabaku, sqaroi më tej se përse e kanë kundërshtuar ndërtimin e stadiumit “Air Albania”, teksa Rama i ftoi që të shikonin ndeshjen që luhet më 25 maj.
“Nëse e kemi kundërshtuar projektin e stadiumit sepse prishte një ikonë të qytetit. Edhe stadiumi mund të ketë një ndeshje këtë javë, shumë nga ne edhe mund të shkojnë, por nuk e heq faktin që është prishur ligji”, tha Tabaku.
Discussion about this post