Deputeti demokirat Ervin Salianji ka folur në lidhje me aksionin e opozitës prej disa javësh, por edhe për marrëveshjen me Italinë për emigrantët.
Salianji tha se marrëveshja ka mungesë transparence dhe se Rama nuk është konsultuar me asnjë. Ai shtoi se kryeministri Rama e trajton Shqipërinë sikur e ka çiflig personal. Ai shtoi se deputetët e mazhorancës nuk kanë ditur asgjë në lidhje me këtë marrëveshje.
“Deputetët e mazhorancës nuk dinë gjë. Në rastin me marrëveshjen me Italinë, nuk pati konsultim me institucionet e tjera, as me partinë e tij. Ai shkoi atje dhe u bë fakt i kryer. Marrëveshja ka mungesë transparence, duhet të kalojë në Parlament, prek të gjithë sistemin juridik shqiptar. Qeveria jep një pjesë të territorit të saj qeverisë italiane. Emigrantët nisen për të shkuar në Itali, Shqipëria do të përdoret si “gogol” nga qeveria e Italisë. Rama e trajton Shqipërinë sikur e ka çiflig personal.
Është fyese ndaj çdo shqiptari, nuk pranohen në ndonjë vend afrikan, por e pranon kryeministri shqiptar me kokën e vet. Mes tyre mund tw ketw njerwz qw sjellin problematika”- u shpreh Salianji.
Discussion about this post