Kreu i PD, Lulzim Basha ka reaguar pas arritjes së marrëveshjes për reciprocitetin e targave mes Kosovës dhe Serbisë. Basha shkruan në Twitter se përshëndet marrëveshjen, ndërsa e konsideron si një hap të rëndësishëm në uljen e tensioneve.
“Përshëndes marrëveshjen e arritur sot mes Kosovës dhe Serbisë me ndërmjetësimin e të dërguarit special të BE, Miroslav Lajčák. Ky është një hap i rëndësishëm në uljen e tensioneve dhe në trajmimin e barabartë të qytetarëve në të dy anët e kufirit. Unë dhe PD mbështesim dhe inkurajojmë përpjekjet dhe angazhim e BE dhe SHBA për një zgjidhje të përhershme, për marrëveshjen e njohjes reciproke mes Kosovës dhe Serbisë”, shkruan Basha.
Pas dy ditësh bisedime në Bruksel me ndërmjetësimin e BE, është arritur marrëveshja e reciprocitetit të targave midis Kosovës dhe Serbisë. Lajmin e ka bërë të ditur, i dërguari i BE për Kosovën dhe Serbinë, ditën e sotme, i cili ka njoftuar se të dy palët kanë arritur një marrëveshje lidhur me krizën e shkaktuar së fundmi në pikëkalimet kuftitare në Jarinjë dhe Bërnjak.
