Kanë mbërritur në Shqipëri refugjatët e parë të kapur në bregdetin italian, sipas marrëveshjes të nënshkruar mes kryeministrit Edi Rama dhe homologes Giorgia Meloni.
Nga 200 personave që ishte parashikuar të vinin në vendin tonë, sipas të dhënave transferimi ka pasur vetëm 16 emigrantë, 10 shtetas nga Bangaldeshi dhe 6 egjiptianë në anijen e Flotës Ushtarake Italiane.
Në imazhe, shihet anija ushtarake Libra, e cila ka mbërritur pranë portit të Shëngjinit, ku edhe është ngritur qendra e parë për pritjen e refugjatëve.
Anija u nis më 14 Tetor në brigjet e Lampedusa dhe do të ankorohet sot (16 Tetor) me grupin e parë të refugjatëve në portin e Shëngjinit.
Javën e kaluar u vendosën në funksion qendrat në Shëngjin dhe Gjadër ku do të akomodohen emigrantët e kapur nga autoritetet italiane.
Sipas protokollit të nënshkruar nga Giorgia Meloni dhe Edi Rama, azilkërkuesit do të marrin një përgjigje brenda katër javësh.
Nëse përgjigja është pozitive ata do të transferohen në qendrat e pritjes në Itali, ndryshe do të kthehen në vendin e tyre të origjinës.
Discussion about this post