Arrestimin e ish-deputetit të PS-së Alqi Bllako për çështjen e inceneratorëve, ish-kryeministri Sali Berisha e cilëson si një marrëveshje mafioze me kryeministrin Edi Rama.
Ai shprehet se firmën për arrestimin e tij e ka dhënë vetë Rama, por kjo aferë i nxori jashtë.
“Kanë arrestuar Alqi Bllakon kur firmë ne ka vendosur Rama, Agaci, ministrat e tani duhet të thonë që është individuale. Jo, kanë dalë në dritën e diellit organizatë kriminale plotësojnë të gjithë kriteret ligjore për të qenë të tillë. Kjo aferë i nxori siç janë. Kjo është një nga aferat e tyre, atë që po bëjnë në energji ata është jashtë çdo imagjinate, janë lëshuar mbi pasuritë publike si të ishte pronë e tyre dhe nuk lëshojnë njëri-tjetrin, bëjnë marrëveshje mafioze për të mos çelur gojën. Një revolucion duhet t’i japë përgjigje kësaj klike e kam besim se do ia japë përgjigjen kësaj klike”, tha Berisha.
Discussion about this post