Pas 11-vitesh si pjesë e Paris Saint-Germain, aventura e Marco Verratit në kryeqytetin francez është shumë pranë përfundimit.
Sipas mediave europiane, mesfushori ka një marrëveshje me klubin e Al Ahli në Arabinë Saudite dhe është në pritje të lejes nga PSG për të udhëtuar më pas drejt Lindjes së Mesme.
Për momentin, parizienët kanë refuzuar ofertën e parë të arabëve prej 30 milionë eurosh dhe presin diçka më shumë për shërbimet e 30-vjeçarit. Verrati është nën kontratë me PSG deri në vitin 2026 dhe francezët duke njohur mirë burimet financiare të arabëve, kërkojnë të përfitojnë më shumë se 30 milionë euro.
Në orët e ardhshme pritet që panorams të bëhet edhe më e qartë. Al Ahli ashtu si klubet e tjera arabe ka investuar shumë në këtë merkato duke transferuar emra të njohur të futbollit europian si Firmino, Mahrez, Demiral, Kessie, Mendy, Ibanez, Saint-Maximin apo edhe Ezgjan Alioski ndërkohë që monitorojnë nga afër edhe situatën e Hakan Calhanoglu të Inter.
Discussion about this post