Kryeministri Edi Rama i është shmangur pyetjes për të komentuar vendimin e Lulzim Bashës për përjashtimin e Sali Berishës nga grupi parlamentar i PD. Ai ka zgjedhur të fokusohet në objektivat e socialistëve në mandatin e tretë qeverisës, por ka përsëritur se dora është e shtrirë për Lulzim Bashën.
“Ne vijmë në këtë Kuvend me diçka që unë e kam thënë përherë pa marrë parasysh se si do të shkonin zhvillimet brenda partisë Demokratike. Dora është e shtrirë për të bashkëpunuar për të mirën e popullit”, tha Rama.
Insistimit të gazetarëve për një koment për përjashtimin e liderit historik të demokratëve nga rupi parlamentar i PD tha: “PS-ja e ka të pamundur të shikojë nga lart poshtë, siç po ndodh midis nesh në këto momente, dhe nuk e kthejmë dot kokën pas. Kush do të bashkohet me ne, është i mirëpritur”
Edhe pyetjeve të tjera të gazetarëve Rama iu është shmangur plotësisht.
“Trishtimet dhe gëzimet janë shumë të brendshme për t’i shpërdoruar për diçka që i përket një tjetër kampi politik”, tha Rama.
