Një bandë që trafikonte drogë në Greqi është shkatërruar sot nga një aksion policor i zhvilluar në disa zona të shtetit fqinj. Burime nga mediet e huaja bëjnë me dije se 38 persona janë arrestuar gjatë operacionit të policisë. Të prangosurit janë 36 grekë dhe dy shqiptarë. Gjithashtu në mesin e të arrestuarve janë edhe 6 gra.
Në operacionin policor janë përfshirë punonjës policie të Drejtorive të Policisë Rodopi, Orestiada, Aleksandropolis, Dramë dhe Ksanthi dhe nëndrejtoria e Prokurorisë së Drogës pranë Drejtorisë së Sigurisë së Selanikut.
Për vërtetimin dhe zbardhjen e veprimtarisë kriminale të të arrestuarve, u krye një hetim policor gjatë të cilit u konstatua se autorët nga fillimi i muajit janar 2021 deri më datë 29.11.2021, i janë bashkuar një organizate kriminale, me veprime të vazhdueshme dhe të strukturuara, me role të rëndësishme që alternoheshin sipas rrethanave, me qëllim përfitimin e paligjshëm pasuror nëpërmjet shitjes së drogës.
Nga monitorimi shumëmujor i funksionimit të bandës dhe ecuria e hetimeve, u konstatua se anëtarët e ishin aktivë në shitjen e drogës për përdoruesit e Njësive Rajonale Rodopi, Ksanthi dhe Evros, sasi të cilat ishin furnizuar nga Selaniku dhe Komotini. Përveç kësaj, hetimi zbuloi se organizata furnizonte drogë për të paktën 115 persona
Discussion about this post