Drejtoria e Përgjithshme e Shërbimeve të Transportit Rrugor ka bërë me dije se çdo makinë që do të kryej Kontrolin Teknik do t’i shënohet në certifikatë dhe kilometrat realë të automjetit.Ky vendim pritet të evitoj manipulimet që bëhen zakonisht nga tregtarët.
“Leximi i odometrit tashmë përfshihet në Certifikatën e Kontrollit Teknik të mjeteve rrugore! Kilometrazhi në momentin e kolaudimit, verifikimi me fishë për mjetet me të dhëna digjitale dhe skanimi i kroskotit janë sot pjesë PA PAGESË e shërbimit!”, thuhet në njoftim.
Ky shërbim në njoftimin e publikuar theksohet se do të jetë pa pagesë dhe ka si synim , dekurajimin e spekullimeve në treg, nxitjen e mbajtjes së librave të shërbimit (nga autoriparues të ligjshëm) dhe mbrojtjen e konsumatorit, blerësit, sikurse frenojmë hyrjen në vend të mjeteve të tejamortizuara!
Ulja e kilometrave të makinave nga tregtuesit është një praktikë e njohur.Mjete të ndryshme që importohen nga vende si Italia, Gjermania apo Zvicra, nuk iu tregohen kilometrat realë me qëllim rritjen e çmimit të tyre duke manipuluar kështu blerësin. J.V Gijotina.com
Discussion about this post