Peshëngritësi dhe kampioni i disa medaljeve olimpike për Greqinë, Pirro Dhima i ka dhënë fund beqarisë dhe është martuar për herë të dytë në një ceremoni private të shtunën në kishën Shën Jorgo në Kavouri të Greqisë.
Ai u martua me Afrodhiti Skafidha në një ceremoni ku morën pjesë familjarë dhe rreth i ngushtë shoqëror.
Çifti është në pritje të fëmijës së tyre dhe Pirro Dhima do të bëhet baba për herë të pestë, teksa peshëngritësi ka 4 fëmijë nga martesa e parë.
Ceremonia u bë e ditur për publikun nga postimet në rrjetet sociale të miqve që ishin pjesë e gëzimit të tyre.
Ndërsa sot vetë Pirro Dhima publikoi foton e parë nga kurorëzimi i martesës.
Discussion about this post