Gjatë takimit të sotëm të ish-kryeministrit Sali Berisha me simpatizantët e djathtë, nuk munguan dhe batutat.
I pranishëm në mbledhje ishte dhe ish-kryetari i parë i Bashkisë së Libohovës. Ky i fundit e uroi Berishën për martesën e djalit të tij Shkëlzenit me blogurën Armina Mevlani.
Por nuk mungoi dhe një kritikë për liderin demokrat, ku ish-kryebashkiaku e kujtoi se nuk i kishte sjellë as një pako llokume, traditë e hershme kjo e shqiptarëve për festa të tilla.
“Dua t’ju uroj për një gëzim personal tuajin. Keni martuar djalin, po një kuti me llokume nuk e prure”, tha ish-kryebashkiaku i Libohovës, duke shkaktuar të qeshura të mëdha.
Discussion about this post