Javët e fundit vihet re një rritje e numrit të personave të prekur nga Covid-19. Sipas ekspertëve shkak është mosrespektimi i masave të vendosura nga Ministria e Shëndetësisë.
Xhorxhina Kuli, anëtare e Komitetit Teknik të Ekspertëve është shprehur se në ambientet e mbyllura, biznese apo mjetet e transportit publik të gjithë janë pa maska. Kjo është diçka shqetësuese e cila ndikon në përkeqësimin e situatës.
Kuli tha se qytetarët duhet të respektojnë masat e vendosura, në mënyrë që në vijim të mos ketë shtrëngim të tyre.
“Para se të kalojmë në masa të reja i bëj thirrje të gjithëve të mundohemi me rigorozitet të zbatojmë ato masa aktuale që janë. Nuk uroj kurrë që të marrim masa të reja dhe shkojmë në kufizimin e lëvizjes dhe s’do doja kurrë “lockdown”. Kjo është e dëmshme për të gjithë. Por ama që të duam të ndihmojmë mjekësinë dhe epidemiologjinë në këtë aspekt duhet të gjithë të kontribuojmë me zbatimin me rigorozitet të masave”, u shpreh ndër të tjera ajo.
Situata pandemike në vend është jo e qetë ku me qindra raste konfirmohen çdo ditë.
Discussion about this post