Kryebashkiaku i një qyteti të vogël në jugperëndim të Meksikës është vrarë nga persona të armatosur. Por sipas zyrtarëve, në konflikt kanë humbur jetën të paktën edhe 17 persona të tjerë. Sipas zyrtarëve, policia thotë se persona të armatosur sulmuan bashkinë e San Miguel Tolopan në orën 14:00 të mërkurën. Fotot në internet e tregojnë atë të mbushur me vrima plumbash, shkruan BBC.
Partia e kryebashkiakut Conrado Mendoza Almeda, PRD, ka dënuar vrasjen dhe ka kërkuar drejtësi.
Për sulmin është fajësuar banda kriminale Los Tequileros.
Oficerët e policisë dhe punonjësit e këshillit u vranë gjithashtu në masakër, me imazhe të rënda të trupave të gjakosur të shtrirë në tokë që qarkullojnë në mediat sociale.
Babai i Mendoza Almeda-s, ish-kryetari i bashkisë Juan Mendoza Acosta, u vra gjithashtu në shtëpinë e tij, përpara se sulmi të zhvendosej në bashkinë e qytetit.
Discussion about this post