Keqmnenaxhimi i grumbullimit të mbetjeve po kryen masakër natyrore në Krujë. Mbeturinat janë të derdhura kudo dhe po dëmtohen pyetjet. Në pamjet që ka siguruar Gijotina.com duket qartë masakra në pyjet e Kurorës se pishave në Kruje. Mbetjet e qytetit hidhen gjate orëve të para të mëngjesit pranë varrezave të Krujës, aty ku zona përreth është me pisha dhe larg vëmendjes së qytetarëve dhe autoriteteve.
Prej disa kohësh Ministria e Mjedisit vijon aksionin e mbylljes se gurorëve, parandalon fenomenin e ndotjes mjedisore nga furrat e gelqereve, por harron një tjetër ndotje masive, që vjen nga mbetjet urbane, që derdhen qëllimisht në zonën e Krujës, në një mjedis historikisht me pisha.
Banorët e qytetit të Krujës, janë të rrezikuar nga një ndotje mjedisore e tillë, ndërsa autoritete vendore janë në dijeni të këtij realiteti, madje përballë këtij fakti kanë heshtur madje dyshime janë se nga bashkia Krujë është dhënë një urdhër firmës se pastrimit të Fushë Krujës të shkarkojnë plehrat në zonën e kurorës së gjelbër dhe të mbrojtur në Krujë.
Kjo situate prej disa kohesh dhe asgjë nuk është bërë. Sipas burimeve firma e pastrimit ne Fushë Krujë është e detyruar të zbrazë kontejnerët në këtë zonë pasi nuk bashkohet për këtë shërbim.
Burimet tregojnë se, kamionët e kompanive të pastrimit mbushen nga kazanët e mbeturinave ne qytet, gjate orëve të mëngjesit, dhe më pas ngjiten rrugës së qytetit të Krujës, shkojnë i shkarkojnë ato pranë varrezave tek zona e pishave, duke sjellë katastrofë mjedisore. Pamjet e sjellë janë të orëve të para të mëngjesit, pasi automjeti i pastrimit mbushet në kazanët e Fushe Krujës, dhe me pas derdhen në kurorën gjelbër të pishave në afërsi të Krujës.
Discussion about this post