Lihen në burgim të përjetshëm Orges Bilbili dhe Anterio Kaloshi. Për këtë ngjarje ende vijon të mbetet në kërkim Leart Haxhiu, i cili është në arrati. Prokuroria e Posaçme i akuzon të tre si pjesëmarrës në grup kriminal dhe autorë të disa vrasjeve me paramendim në zonën e Lushnjes dhe jo vetëm. Orges Bilbili dhe Laert Haxhiu janë akuzuar për vrasjen e Jurgen Hoxhës dhe Zamir Latifit si dhe tentativën e vrasjes së Xhulio Shkurtit, nipit të Aldo Bare.
Bilbili akuzohet për “Kryerjen e veprave penale në kuadër të grupit kriminal”. Anterio Kaloshi u arrestua në vitin 2020, njihei si miku i Bilbilit dhe jetonte në një apartament me këtë të fundit, deri ditën që ai u arrestua. Kaloshi ishte shpallur në kërkim për masakrën e ndodhur në Lushnje në vitin 2017, ku u ekzekutuan me armë Zamir Latifi e Jurgen Hoxha, si dhe u plagos Marius Xhepexhiu.
Si u kap Orges Bilbili, aksioni me një efektiv e vuri në pranga
Orges Bilbili, një nga autorët e masakrës së Lushnjes, dhe pjesë e bandës së Lushnjes, u plagos me armë zjarri nga një efektiv i policisë Shqiponja në 2020. Bilbili u pikas duke ecur në zonën e Xhamllikut, dhe kundërshtoi urdhrin e Policit për t’i paraqitur kartën e identitetit. Në këtë moment ai vrapoi dhe nxori nga çanta një armë zjarri.
Pasi e ka ndjekur, polici e ka paralajmëruar të ndalojë por Bilbili i ka thënë se do e qëllojë nëse nuk largohet. Efektivi ka qëlluar një herë në ajër, më pas e ka plagosur në këmbë. Për pasojë është plagosur edhe një grua aksidentalisht. Të dy të plagosur u dërguan në spital, jashtë rrezikut për jetën.
Autori i masakrës së Lushnjes, që ishte në kërkim prej gjashtë vitesh, po përgatitej për një vrasje të radhës. I veshur sportiv dhe me një kapuç në kokë, ai doli nga banesa ku jetonte tek Xhamlliku bashkë me shokun e tij Kaloshi, por ky i fundit, i shpëtoi arrestimit fillimisht dhe u kap më vonë. Policia gjeti në shtëpinë e marrë me qira me firmën e Jurgena Xh., e dashura e Anterio Kaloshit një pasaportë të këtij të fundit, 900 euro si edhe një armë që dyshohet se i përkiste Kaloshit.
Discussion about this post