Prokuroria e Posaçme ka kërkuar dënimin me burg për jetë për Fran Marashin i që akuzohet për ngjarjen e njohur si “Masakra e Urës Vajgurore”, ku u vranë 5 punonjës policie.
Gjykata e Lartë kishte vendosur rigjykimin e dosjes 28 vite pas masakrës.
Pas arrestimit dhe ekstradimit të tij, Fran Marashi pretendoi se nuk i janë respektuar të drejtat dhe liritë themelore për një proces të rregullt ligjor gjatë gjykimit në mungesë.
Gjatë argumenteve të tij, ai pretendoi se nuk ka pasur dijeni për gjyqin që është bërë në vitet 1999-2000, në ngarkim të tij.
Ai është ekstraduar nga Italia në vitin 2007, ndërsa dy vite më vonë, tentoi të arratisej nga burgu i Burrelit bashkë me Preng Lleshin, anëtar tjetër i bandës së Urës Vajgurore, veprim për të cilin do të deklaronte se e bëri për të tërhequr vëmendjen që procesi ndaj tij të rihapej.
Ngjarja për të cilën akuzohet ka ndodhur më datë 17 qershor 1997, ku mbetën të vrarë 5 persona dhe u plagosën 6 të tjerë, të gjithë punonjës policie.
Të dënuar për masakrën janë:
Musa Protoduari, me burgim të përjetshëm
Shkëlqim Protoduari, me burgim të përjetshëm
Fran Marashi, me burgim të përjetshëm
Fatbardha Protoduari, me 25 vjet burg,
Sokol Ndreu
Gjovalin Ndreu
Preng Miri
Gjelosh Miri
Discussion about this post