Masakra gjatë paradës së “Ditës së Pavarësisë”, 6 të vdekur, dhjetëra të plagosur

Parada e 4 korrikut (e Ditës së Pavarësisë) të zhvilluar në Highland Park, Illinois u kthye në në një masakër, pas një sulmi me armë.

Sulmi me armë ndodhi në periferi të Çikagos dhe në vendngjarje janë shënuar 6 viktima.

Dëshmitarët pretenduan se kishin parë të paktën pesë njerëz të gjakosur të shtrirë në tokë dhe një tjetër nën një batanije, sipas Chicago Sun Times.

Gjithashtu, të paktën 16 persona raportohet të kenë mbetur të plagosur dhe paniku mbizotëroi në mesin e turmës. Ky numër nuk është konfirmuar zyrtarisht, por disa autoambulanca janë parë duke dërguar viktimat në spital.