Prokuroria e Posaçme që po heton ngjarjen e rëndë ku mbetën të vrarë 4 persona në Shkodër, ka urdhëruar kontrolle në Dobraç.
Sipas burimeve, një nga banesat e kontrolluara nga RENEA është edhe ajo e Safet Bajrit, por deri më tani nuk raportohet të jenë gjetur sende të jashtligjshme.
Kontrollet janë bërë me vendim të Gjykatës së Posaçme që ka pranuar kërkesën e SPAK. Masakra e Shkodrës, ku nga atentati humbën jetën Hamza Lici e Arlind Bushati, si dhe çifti i i bashkëshortëve Bashkim e Flutura Basha, mbetet ende pa autor.
Çështja fillimisht u hetua nga Prokuroria e Shkodrës, e cila pas disa javësh shpalli moskomeptencë me dyshimin se vrasja është kryer nga një grup i strkturur kriminal dhe dosjen ia transferoi Prokurorisë së Posaçme.
Kujtojmë se pak ditë më parë AMP pezulloi disa efektivë pas masakrës, pasi dyshohet se nuk kishin ndaluar një shtetas të tretë që ndodhej në makinën e viktimave Hamza Lici e Arlind Bushati, në momentin e atentatit. Ky person dyshohet se ishte Ibrahim Lici, vëllai i Hamza Licit dhe i shpallur në kërkim ndërkombëtar për vrasje.
I ati i Hamza Licit, në dëshminë e dhënë për autoritetet ka akuzuar se pas atentatit është “një grup kriminal i lidhur ngushtë me qeverinë”. Ndërkohë, kreu i Partisë Demokratike Sali Berisha ka akuzuar se vrasja është kryer nga grupi Bajri. Safet Bajri u shoqërua pas ngjarjes, ndërsa pas marrjes në pyetje u la i lirë. Bajrat dhe Licët njihen për një histori të gjatë hasmërie në Shkodër.
Discussion about this post