Tefta Malaj, gruaja e Taulant Malaj që vra vajzën e tij e fqinjin italian ka dëshmuar para hetuesve. Ansa shkruan se 39-vjeçarja ka mohuar të ketë pasur lidhje me fqinjin italian Massimo De Santis që vrau shqiptari, me të cilin ai dyshonte se e tradhtonte.
Ajo ka rrëfyer se bashkëshorti ishte shumë posesiv e xheloz sa ia kishte ndaluar të kishte kontakte me njerëz të tjerë apo të dilte nga banesa qoftë edhe për të konsumuar një kafe.
“Vitin e fundit ishte bërë posesiv për shkak të lidhjes së pretenduar jashtëmartesore që ai dyshonte se kisha me Massimo De Santis. Bashkë kemi pasur vetëm një miqësi,”- tha ajo.
Gruaja foli për armën e vrasjes, duke thënë se nuk e kishte parë kurrë atë thikë (18 centimetra e gjatë me një teh 8 cm) në shtëpi dhe se ndoshta burri i saj e kishte marrë posaçërisht për atë ditë.
Taulant Malaj shkaktoi një masakër. Ai qëlloi 23 herë me thikë fqinjin e tij, sapo ky i fundit doli nga banesa pasi dyshonte se kishte lidhje me të shoqen. Më pas u fut në shtëpinë e tij dhe qëlloi gruan e vajzën e tij. Kjo e fundit, vetëm 16 vjeçe, Gessica ndërroi jetë në vend. I trembur u gjet dhe djali i vogël, vetëm 5 vjeç.
Discussion about this post