Babai i Elena Hysës, ish-bashkëjetuesja e Dan Hutrës, autori i masakrave në Tiranë, tregoi detaje të rënda në lidhje me ngjarjen e rëndë. Në një intervistë telefonike për gazetaren e emisionin “Me zemër të hapur” Anila Ahmataj, në Neës24 babai i 30-vjeçares, i cili humbi vajzën dhe të fejuarën e djalit dhe iu plagos vajza tjetër dhe gruaja, pohoi se Elena e kishte njohur me shkuesi Hutrën. Ai tha se Hutra dyshonte te atësia e fëmijës që kishte me Elenën.
“Kam qenë të vëllai im. U martuan, u ndanë. U njohën përmes një njeriu tjetër, shkes. Kishin 3-4 muaj që jetonin bashkë. Na thirri kur do bëhej me fëmijë, do bëhej me djalë…pallavra kështu. Janë ndarë pa mirëkuptim. Iku ditën, ai ka ardhur dhe e ka lënë. Ata kishin vënë unazën. Ai erdhi në shtëpi dhe thoshte; “s’e ka djalin me mua. Pse ka ikur vajza pa më thënë mua”. Ai kishte dëgjuar ca llafe, punë grash.
Nuk dija asgjë (që kishte vrarë gruan e tij). As që kishte dalë nga burgu. Shkesi tha është burrë i mirë, merre. Ai shkesi është nga Kukësi. Dani jetonte te Bregu i Lumit, ishin me qira, s’ka pasur shtëpinë. Me Mislimen s’jam takuar për të tilla gjëra. Nuk festuam për fejesën.
Ai kërkonte lekë për veten e vet. Ne i dhamë 3 mijë e 300 euro, para 6 muajsh. E ka dhunuar këtu te shtëpia jonë se më parë s’e ka rrahur. E tërhoqi denoncimin për këtë punë, se mos na vriste. Na ka kërcënuar te shtëpia. Më tha; do ta marrin vesh dhe mediat botërore. Na kërcënoi. Gruaja është mirë. Nuk i kemi treguar bashkëshortes se ka vdekur vajza dhe nusja. Elena dhe Kujtimja janë plagosur me thikë në brinjë.”, tha ai.
Discussion about this post