Nga mediat është mësuar se gjendja shëndetësore e Elena Hysës dhe nënës së saj është e mirë.
Megjithatë në shtëpinë Hysa, ka pllakosur zia. Familja sot do të përcjellë për në banesën e fundit, Mevlute Hysën 30 vjeçe, motra e Elena Hysës, bashkëshortes së Dan Hutrës.
Mevlutja ishte bërë nënë disa kohë më parë. Bashkë me të, viktimë ngeli edhe Hasime Dafku, gruaja e vëllait të Elenës. Hasime 25 vjeçe ishte në pritje të ëmbël pasi prej 2 muajsh kishte mësuar se ishte shtatzënë.
Plumbat e breshërisë së kallashnikovit të Dan Hutrës e ndërprenë në mes rrugëtimin e jetës së tyre. Masakra ndodhi dje në Paskuqan, ku Hutra shkoi në banesën e Hysave dhe qëlloi me breshëri gratë, ku vdiqën Hasime dhe Mevlute, ndërsa Elena me të ëmën u plagosën rëndë.
Pasi u largua nga Paskuqani, ai shkoi në Kamëz ku ekzekutoi Etleva Kurtin dhe më pas në zonën e Astirit, atje ku plagosi, shtetasen Marjana Gurakuqi (një nga të dashurat e tij).
Discussion about this post