Autori i dyshuar për masakrën e së shtunës mbrëma, i cili la pas 10 të vdekur në një sallë vallëzimi në Kaliforni u gjet i vdekur rreth 12 orë më vonë. Ai kishte vrarë veten në një furgon të bardhë, duke i dhënë fund kontrollit të policisë, tha sherifi lokal.
“I dyshuari mori një plagë me armë zjarri dhe u shpall i vdekur në vendngjarje ,” shpjegoi sherifi Robert Luna, duke përshkruar fundin e ndjekjes së vrasësit të dyshuar.
Burri u identifikua si Hu Can Tran, me origjinë aziatike, i moshës 72-vjeçare.
“Unë mund të konfirmoj se nuk ka të dyshuar të tjerë” për masakrën, zoti Luna, duke shtuar se motivi i sulmit në Monterey Park mbetet i panjohur në këtë fazë.
“Hetimi është ende në vazhdim. Hetuesit e vrasjeve po punojnë gjatë gjithë kohës për të mbledhur informacione shtesë dhe për të përcaktuar motivin e kësaj ngjarje tejet tragjike ”, tha Sherif Luna.
Ndjekja e të dyshuarit, e cila u pasqyrua drejtpërdrejt nga disa media amerikane, përfundoi rreth 40 kilometra larg qytetit ku ndodhi tragjedia, kur forcat e rendit rrethuan furgonin e tij. Policët u afruan me kujdes, më pas hynë brenda. Në pamjet e marra nga kameramanët dhe fotoreporterët e AFP-së, shihet një trup në sediljen e shoferit.
Presidenti amerikan Joe Biden urdhëroi që flamujt në të gjitha ndërtesat publike të valonin në gjysmë shtizë në shenjë nderimi për viktimat e masakrës deri në perëndim të diellit të enjten.
Duke iu përgjigjur thirrjeve të para për veprim të menjëhershëm të shtunën në orën 22:20 (koha lokale; në orën 08:20 të së dielës së djeshme me orën greke), policia gjeti dhjetë persona të vdekur brenda një sallë vallëzimi, pesë burra dhe pesë gra. Dhjetë persona të tjerë, të plagosur, u dërguan në spitale ku po trajtohen në një gjendje “të qëndrueshme” ose “kritike”.
Pamjet e kamerave të sigurisë treguan se sulmuesi ishte një burrë me origjinë aziatike, i veshur me një xhaketë të zezë, një kapak leshi bardh e zi dhe syze.
Të shtunën në mbrëmje, dhjetëra mijëra njerëz dolën për të festuar Vitin e Ri Hënor pranë vendit të masakrës në Monterey Park. Pronari i një restoranti aty pranë, i cili foli për Los Angeles Times, tha se tre persona nxituan në dyqanin e tij ndërsa masakra ishte duke u ndodhur dhe i kërkuan që të mbyllte derën.
Ata shpjeguan se kishin parë një burrë me një armë gjysmë automatike në zonë, të mbushur me municion, tha pronari i restorantit për gazetën.
The suspect in a ballroom dance club shooting near Los Angeles that left 10 dead has shot and killed himself, authorities report.
LA County Sheriff Robert Luna identified the suspect as 72-year-old Huu Can Tran https://t.co/if2IzraBpo pic.twitter.com/LuFEJkyl5Q
— Bloomberg Quicktake (@Quicktake) January 23, 2023
Discussion about this post