Masakra në Tiranë: Në lokal ka qenë edhe vëllai i Fatjon Muratit

Të dhëna të reja kanë dalë në dritë nga atentati i djeshëm në zonën e Don Boskos, ku mbeti e vrarë një grua dhe u plagosën 5 të tjerë.

Burime nga grupi hetimor bëjnë me dije, se në ambientet e lokalit kur është qëlluar me breshëri kallashnikovi, ka qenë edhe vëllai i Fatjon Muratit, i cili fatmirësisht i ka shpëtuar breshërisë së kallashnikovit.

Burime bëjnë me dije se mbrëmjen e djeshme në lokal kanë qenë të pranishëm dhe vëllai i Fatjon Muratit dhe djali i xhaxhait të tij. Burime konfidenciale thone se ka dyshime se vëllai i Muratit mund të jetë plagosur në dorë.

Mësohet se vëllai i Muratit sapo kishte ardhur nga jashtë. Fatjon Murati është një emër i njohur për botën e krimit.

Ndërkaq dyshohet se mbi dy persona ende të paidentifikuar kanë marrë pjesë në atentat, ku dyshimet janë se ata u afruan në këmbë në ambientet e lokalit duke qëlluar me breshëri plumbash dhe më pas janë larguar me makinë.

Po ashtu, dyshohet se ngjarja e rëndë ka lidhje me pronarit të lokalit ku edhe ka ndodhur atentati.